حتة حجر
تبعدني ولا تضمني
مابقاش في حاجة تهمني
بس افتكر كان بين ضلوعك
مرة قلب
أو حتي يمكن كان حجر
لاكنه قالي في يوم حزين
أنه صحيح بيحبني
لكن صحيت
والكلمتين الدبلانين
مابين شفايف مرعشوين
ما بقاش صداها يهزني
فكرك راح ابكي
والدموع تنزف الم
ولا راح اصرخ
لجل يوم احيي العدم
تبقي واهم
اصل انا قلبي خلاص
بطل عشم
من يومها بقي زيك تمام
حتة حجر
وخداها شمسايتك هناك
لا طل يروي ولا مطر
ولا لون سما يحضن في ليلك
ميت قمر
ولا نجمة تدندن عشانك
لما يواعدنا السهر
باسمة
جميل ورائع
إعجابإعجاب