هلاهيل.. بقلم الشاعر. احمد صبري..

هلاهيل
احمد صبري

لم الهلاهيل كلها
إحرقها أو إرميها
أوهام كتير صدقتها
و الكدب ماليها
كراكيب و جمعتها
مافيش رجا فيها
اْحلام وراح وقتها
وحكاية ف عنيها

خلاص خلصت وعدا الوقت
صحيت ومن نومك فوقت
شبطت في كدبة ماصدقت
تتشعبط في حبل سراب
وحبل غسيل منشور عليه
آخر طقم فرحت بيه
كان حبيبي و روحي فيه
بس القلب كان قلاب

ياقلبي ياللي تشبه الهلاهيل
دايب وحظك علبة المناديل
ودموع تنام بالنهار والليل
تسهر تنادي حضنها
وهي ماشية بالدلع والكيف
مغصوبة ولا رفعت التكليف
كسروا القلم بالبارود والسيف
كتب شهادة حزنها

ومنها مش باقي كتير
اْصطادوا كل العصافير
لازم اْخد بعضي واْطير
وكفاية شنطة صغيرة
فيها الطقم اْياه وكمان
صورة جمعت اللي كان
رسمة من غير الوان
جواز سفر وتذكرة

فكرة واحدة على ”هلاهيل.. بقلم الشاعر. احمد صبري..

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s