شنطه سفر. بقلم الشاعر. المستشار احمد سلاطين

شنطة سفر


شنطـــه سفــر
شنطه سفر
مليانه بالشوق والحنين
حملتها بالعشق
والإخلاص سنين
جمعت فيها دموع
وأحلام السنين
ومشيت أدور- ع الحبيبة
اللي في خيالـــــي
وفى الحقيقة
أنا كنت عارف
إن أنا بعد السفر
هلقى الأمل
قدامى فى البسمة الرقيقة
جوه العيون
أو ع الشفايف
واهديكى أجمل جوهره
محفوظة فى شنطه سفر


سواح وشايل شنطته
شنطه كبيره صغيره
مش مشكله
الشنطه شالت ثروتي
وأدخـــل بلد
مكتوب عليها إنها
بلد الجمال
وانأ اصلى عاشق للجمال
عاشق بدور ع الحقيقة
واشوف هناك كل البنات
وكأنهم مالهم وجود
أرجع وأقول
بكره حبيبتي راح التقيها
بالنغم اللي في عينها
وجوه بسمتها الرقيقة
وارجع وأكمل رحلتي
ف كل البلاد
أرجع أدور ع الحبيبة
اللي فى خيالي
وفى الحقيقة
انا كنت عايش
لى وليها
وكنت واهب
روحي ليها
وكلها إيمان
بأني هااحتويها


حطيت رحالي ياحبيبتى
في مصرنا مهد السلام
لما لقيت ع البعد نورك
غطى كل النور وزاد
أنا قلت أفتح شنطتى
واهديكى أجمل جوهره
لكن لقيت
الشنطه طارت فى الهوا
وكأنها حست
بقربك من بعيد
فجأه لقيت
قلبي اللى طاير فى الهوا
واتارينى شايل ثروتي
جوايا في القلب السعيد
راح أعيد حكاية رحلتي
فى كلمتين
شنطة سفر
مليانه بالشوق والحنين
حملتها بالحب
والإخلاص سنين
جمعت فيها دموع
وأحلام السنين
بقلم/أحمد سلاطين

فكرة واحدة على ”شنطه سفر. بقلم الشاعر. المستشار احمد سلاطين

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s