الديك الفصيح
مش باناولِك كف فاضي
ومش بازاولِك
مش باحامي و مش حرامي
ومش باقاولِك
مش باشِد ف شعر راسي
و مش باحايلِك
بس جايلِك
باشتكيلِك من عمايلِك
مين اللي وقت الشدة
جالِك وانجرحلِك
مين اللي راحت روحه فيكي
واندبحلِك
ليه تملّي تبهدلينا و مين
سمحلِك
ده انا ليلي باحلم بيكي
وباصطبحلِك
واسعى لجل تكفي عيش
يوم تقضي ويوم مافيش
ضلمة نور اّهو باعيش
ساكتة ليه ما بتنطقيش
أنا مش باعاتبِك
رجعيلي حبي ليكي
أنا مش هاحبِك
فضي قلبِك
طلّعي الديك الفصيح
من تحت عِبِّك .
