////////////// (تربية) /////////////
ملعون أبو التربية اللي بتوجع..القلب 😢
ياريتها كانت ربت بداله قطة أو كلب 🐶
كانوا هايطمر………فيهم
ويقَدَروا المعروف
مايهونش لحظة عليهم
يحسِسُوها بخوف
هايحسوا معني الوفا
من غير شعور بالجفا
وضناها راح وإختفي
أصل البعيد……حلوف 🐎
الرحمة فين يابشر
لما إبن بطني يهيننّي
والا دا حكم القدر
أحب ناس كارهينني
بعد الضنا فيه إيه
فين الامان نلاقيه
دنا عمري عشته ليه
عشان أشوفه متهني 😃
اخرة دا كله…الاقي منه ضرب وسب
ملعون أبو التربية اللي بتوجع قلب
ياريتها كانت ربت بداله قطة وكلب
الشاعر 🌹 شرف الدين فاروق أحمد
