ساعات ابص لمرايتي
تطول البصة م الحيرة
يهاجمني سؤال مكتوم
حروفه بتترعش م الخوف
ألاقي نفسي باتبسم
واقول إهدا
دا انا المخطوف
برغم اني ما بانكرش
بإني كتير
بانسِّي عينه طعم النوم
و في همومه يبات و يقوم
و وقت الضهر بيكمل
في عد نجوم
و اكرر تاني في البصة
ألاقيني
بقيت اتنين
ف اول قصتي و احدة
و في الآخر
دي تبقي مين
كيان مالهوش و لا معني
صحيح باصص لقدامه
لكنه في الأساس أعمى
أمد إديا لملامحي
و اعد ايامي و سنيني
يجوز أقدر
أشيل أسمه
نهائي من علي جبيني
باسمة
جميل ورائع
إعجابإعجاب